ఆరోగ్యకరమైన రుచిగా ఉండే ఓట్స్ ఉప్మా తయారీ విధానం

ఇవ్వాల్టి ఆర్టికల్ లో Oats Upma Recipe : ఆరోగ్యకరమైన రుచిగా ఉండే ఓట్స్ ఉప్మా గురుంచి తెలుసుకుందాం రండి.

ఈ మధ్యకాలంలో బరువు తగ్గాలన్నా, ఆరోగ్యంగా ఉండాలన్నా ఎక్కువగా మిలేట్స్, ఓట్స్ తీసుకుంటుంన్నారు. బొంబాయి రవ్వ, సేమియా ఉప్మాల కన్నా ఓట్స్ ఉప్మా ఆరోగ్యానికి మంచిది, రుచిగా ఉంటుంది. అలాంటి ఉప్మాని టేస్టీగా ఎలా చేయాలో చూద్దాం.

• ముందుగా స్టవ్ మీద ఒక పాత్ర పెట్టుకుని అందులో ఓట్స్ వేసి దోరగా వేయించుకొని ప్రక్కన పెట్టుకోవాలి.
• తర్వాత పాత్రలో ఆవాలు, పచ్చి శనగపప్పు, మినప్పప్పు, జీలకర్ర మీగడ వేసి వేడి చెయ్యాలి.
• తర్వాత అల్లం తురుము, కరివేపాకు వేసి వేయించాలి.
• దీంట్లో పచ్చిమిరపకాయ, ఉల్లిపాయ ముక్కలు వేసి రెండు నిమిషాలు వేయించుకోవాలి.
• దీనికి క్యారెట్ ముక్కలు, పచ్చిబఠాణీలు, పసుపు, క్యాప్సికం ముక్కలు వెయ్యాలి.
• వీటన్నిటినీ సిమ్ లో పెట్టి మగ్గనివ్వాలి.
• దీనిలో టమాటా జ్యూస్, నిమ్మరసం వెయ్యాలి.
• తరువాత ఓట్స్ వేసి బాగా కలపాలి.
• దీనిపై మూత పెట్టి 5 నిమిషాలు సిమ్లో మగ్గనిస్తే సరిపోతుంది.
• పాత్రని దించే ముందు కొబ్బరి తురుము, కొత్తిమీర వేసి కలుపుకోవాలి.